slideshow_04.jpg

dumengi'alva

Nus dalla tiarza classa havein zambergiau la decoraziun per nossa fiasta dalla s. Communiun duront las uras d'art textil e tecnica. Nies tema ei staus: “Jesus ei nossa glisch».

Il sulegl e las flurs sulegl ein lu era stai il motiv principal per la decoraziun en baselgia. Duront las lecziuns d'art textil e tecnic havein nus malegiau in grond sulegl e zambergiau flurs sulegl da pupi. Per la decoraziun digl esch-baselgia havein nus fatg in grond maletg cullas fluras. Per che nus affons haveien lu era ina surpresa da nos geniturs han quels decorau per nus in sulegl da lenn cun in spieghel e scret suten in giavisch persunal. Quei sulegl ei era staus part dalla decoraziun e suenter messa havein nus astgau prender quel a casa.

 

fotografias e text da Nicoletta Marino

pigns e gronds communablamein en cuschina

Ils scolars digl emprem scalem ault han il rom cuschinar duront quei onn da scola. Duront quellas lecziuns eis ei fetg impurtont a mi ch'els emprendien aschi bia sco pusseivel per ch'els seigien semtgai cu els han lu sezs da menar in percasa. Ils menus ein aschi varionts ch'els emprendan atgnamein tut las tecnicas da cuschinar. Nus cuschinein adina menus da treis gangs. Els cuschinan, maglian ensemen ed han lu era da lavar giu e schubergiar la cuschina, quei ch'ei buc adina aschi lessig. Mo aschia ei era la veta ella realitad.

La mussadra Romana cuschina uonn mintgaton cun ses scolarets dil secund onn da scoletta. Era els cuschinan mintgaga ensemen e maglian lura en scola. Aschia havein nus giu l'idea che nus savessien inaga ir cun tut nos 19 cuschiniers giun cuschina e cuschinar ensemen – pia gronds e pigns.

Il menu ei gleiti staus eligius; ei ha dau ligiongias vienesas en pasta cun salatas e differentas sosas. Il dessert ha naturalmein era buca astgau muncar, split da bananas cun glatsch da vaniglia e sosa da tschugalata garniu cun groma e smarties.

Suenter pausa ein tuts serimnai en cuschina e lu sereparti sco quei che nus vevan partiu en els. Tuts eran empau schenai. Ils gronds ein disai da cuschinar persuls, aschia han els giu da declarar e mussar als pigns tgei ch'igl ei da far e lu era cuschinar ensemen. Igl ei stau aschi bi da mirar co pign e grond lavuran, segidan e sestellegian ensemen. Era metter a meisa e faldar bialas serviettas ha ina gruppa giu da far. Nus duas scolastas havein strusch stuiu gidar els. Da miezdi havein nus lu astgau guder in prima gentar. Tuts vevan la dètga fom. La schenadadad era svanida e pign e grond ha giu ils dètgs discuors. Suenter gentar han tuts lu giu da gidar a lavar giu la vischala e schubergiar la cuschina. Quei ei stau ina biala exprientscha. 

Continue Reading

in segn da solidaritad

L`uiara ell'Ucraina fatschenta era nos affons e giuvenils. Perquei ei quei tema vegnius tematisaus naven dalla scoletta tochen ella davosa classa ellas uras dad etica, semplamein tenor vegliadetgna.

Per saver gidar empauet havein nus fatg cullas scolaras e culs scolars pettas per ils dis da visetas da geniturs che stevan avon esch. Duront las pausas da quels dis da visetas han ils geniturs saviu beiber caffè e guder in toc petta. Nus havein lu fatg ina collecta. Ils daners havein nus dau alla cadeina da fortuna a mauns dils fugitivs dalla Ucraina. 

Per era mussar in segn anoviars ha mintga scolarA e scolastA decorau ina candeila. Las varga 100 candeilas havein nus repartiu sillas finiastras dalla scola e schau arder quellas il davos venderdis. 

Continue Reading

plazzas 2022/2023

purschida da sport j+s kids

  • informaziun: Igl onn che vegn ha la purschida externa da sport liug mintgamai la gievgia las 17.15 tochen las 18.15 uras. 
  • flyer: informaziuns & annunzia
  • cuosts: gratuit
  • contact: Nicole Solèr, +41 79 228 21 80, This email address is being protected from spambots. You need JavaScript enabled to view it.

reglament da congedi ed absenzas

Preziai geniturs

Sin fundament dil conclus dil Cussegl da scola ils 30 d'uost 2021 anfleis vus cheu il reglament da congedis ed absenzas surluvrau. Cheu ina cuorta resumaziun davart las midadas partenent ils dis da joker: 

  • Mintga scolara/scolar ha la pusseivladad da prender 4 ga per onn da scola in 1/2 di da joker. Igl ei naturalmein era pusseivel da prender 2 ga in 1/2 di da joker per saver prender liber in entir di.
  • Ils dis da joker astgan vegnir retratgs tut ils dis da scola.
  • La persuna d’instrucziun da classa sto vegnir informada 3 dis avon a scret.
  • 1
  • 2