slideshow_10.jpg

viadi da primavera 5./6. classa

Sco finiziun digl onn da scola 2021/22 ein las scolaras ed ils scolars i sin viadi da primavera. Uonn ha quel menau nus el parc da sugas a Flem. 

Suenter che havein giu retschiert nossas tschentas da reiver, vons e capellina ha Ignaz introduciu nus egl inagain dil reiver. Che la segirtad persunala hagi prioritad nr. 1 havein nus udiu buca mo ina ga. Silsuenter essan nus sereparti en gruppas tenor nivel ed essan serendi ellas diversas percuorsas. La pausa da miezdi han las gruppas fatg individualmein. Il suentermiezdi han allura tuttas gruppas aunc gudiu las percuorsas cun obstachels grevs e meins grevs. Ferton che beinenqualin era empau staunchels la fin, havessen ils auters aunc pudiu ditg. Mo la finfinala havein nus stuiu calar per puspei serender a casa. Per far empau pli gustus il viadi han tuts aunc astgau eleger in glatsch avon ch'ei ha giu num prender la via suttapeis e turnar a casa. 

Igl ei stau in bi viadi da primavera per serrar giu in onn da scola intensiv – ed era per serrar giu ina perioda d'instruir. 

Continue Reading

exposiziun da scola 2021/22

Alla fin da mintga secund onn da scola envida la Scola Sedrun all'exposiziun tradiziunala dallas lavurs dallas scolaras e dils scolars. Suenter ina pausa muort corona ei quei era uonn puspei legreivlamein stau il cass.

Loschamein han ils affons e giuvenils exponiu e presentau lur lavurs a geniturs, fargliuns, tats e tattas, ulteriurs parents ed interessai. Per la seit e la fom ha la 3. tochen 6. classa giu organisau ina stiva da caffè e las ligiongias ha il pedel Andreas mess sil gril. Legreivlamein ha ina pluna glieud dau suatientscha a nies invit ed astgau contemplar ina massa caussas fascinontas en stanzas da scola e zulers. Beinenqualin ha retschiert in laud per la prestaziun, igl object zambergiau ni il dessegn. 

Cheu sut anfleis vus entginas impressiuns da quella sera. 

Continue Reading

purschida da sport j+s kids

  • informaziun: Igl onn che vegn ha la purschida externa da sport liug mintgamai la gievgia las 17.00 tochen las 18.00 uras. 
  • flyer: informaziuns & annunzia
  • cuosts: gratuit
  • contact: Nicole Solèr, +41 79 228 21 80, This email address is being protected from spambots. You need JavaScript enabled to view it.

La scoletta presenta il circus Haliho!

Cu il circus Maramber ei staus si Breil havein nus gest cumbinau nies viadi da scoletta cun far ina viseta el circus e mirar lur presentaziun. Cunquei ch’ils affons savevan ch’era nus preparein ina presentaziun da circus eis ei stau aunc pli interessant e surtut era inspiront e motivont per tuts. 

Suenter bia uras exercezi ei il di dalla presentaziun dil circus Haliho arrivaus. Plein agitaziun mo era cun bia plascher han ils affons mussau las numeras als aspectaturs. Las suppias eran bein occupadas ed aschia ei era l’atmosfera stada magnifica cun applaus e reacziuns ord il publicum. 
Per ils affons eis ei stau ina gronda prestaziun ed els meretan in ferm BRAVO!
 

Viadi da primavera dalla 1. e 2. classa

Duront las davosas jamnas essan nus sefatschentai cul tema luf, uors e luf-tscherver. A caschun da nies viadi da primavera vein nus visitau il museum dalla natira a Cuera nua che nus vein saviu admirar quels ed auters animals cun lur grondezia e statura impressiunonta. Nus vein fatg légns ed auters giugs e passentau in bi ed interessant di en buna cumpignia.

 

Continue Reading

excursiun "fiug ed aua"

Mesjamna ils 15 da zercladur 2022 essan nus serendi communablamein cullas scolars ed ils scolars dalla 5. e 6. classa da Mustér a Domat. Leu han ils instructurs dalla Segirada da baghetgs dil cantun Grischun (GVG) beneventau nus all'excursiun "fiug ed aua". Finamira da questa excursiun ei stada d'emprender d'enconuscher meglier ils elements fiug ed aua, sco era ils pensums dils pumpiers en caussa. Entginas impressiuns da quei di anfleis vus sut. 

Continue Reading

reglament da congedi ed absenzas

Preziai geniturs

Sin fundament dil conclus dil Cussegl da scola ils 30 d'uost 2021 anfleis vus cheu il reglament da congedis ed absenzas surluvrau. Cheu ina cuorta resumaziun davart las midadas partenent ils dis da joker: 

  • Mintga scolara/scolar ha la pusseivladad da prender 4 ga per onn da scola in 1/2 di da joker. Igl ei naturalmein era pusseivel da prender 2 ga in 1/2 di da joker per saver prender liber in entir di.
  • Ils dis da joker astgan vegnir retratgs tut ils dis da scola.
  • La persuna d’instrucziun da classa sto vegnir informada 1 di avon.

cuors da senudar

Bugen fa la scola attenta sin suandonta purschida: 

Ich biete im Bogn Sedrun Schwimmkurse an:

  • Wassergewöhnung
  • Level 1-5
  • Lern- und Spassgruppe Platsch
  • Kraulkurs für Jugendliche und Erwachsene


Alle Informationen zu den Kursen findet man hier: schwimmen-sedrun.ch

Cordials salids
Desiree Willimann

camp a tenero – scalem ault

Suenter che plirs camps dils onns vargai han stuiu vegnir spustai ni midai muort Corona han ils scolars e las scolaras uonn finalmein puspei saviu separticipar ad in camp sco usitau. Uonn han ils scolars e las scolaras frequentau naven dil mardis, ils 10 da matg entochen la sonda, ils 14 da matg in camp da sport el Campo Sportivo a Tenero. 

Ils scolars e las scolaras dalla tiarza superiura han perquei scret in rapport persunal. 

Continue Reading

via a scola – informaziuns pils geniturs

Sin via a scola dat ei differents prighels. Adina puspei vesin nus sin via acziuns prigulusas e vulein perquei far attents Vus che la via a scola stat ella responsabladad dils geniturs.

Per affons che fan il viadi cul bus da scola ei la responsabladad tier la scola (dil mument ch’ils affons entran el bus entochen ch’els sortan). En quei connex eis ei fetg impurtont ch’ils affons stattan eri, tochen il bus ei parcaus.

Igl ei impurtont ch’ils affons emprendien da veser ed untgir ils prighels sin via aschi bein sco pusseivel. Perquei supplichein nus Vus da tematisar il viadi a scola cun vies affon ed intimar el d’observar las suandontas recumandaziuns:

  • Affons che fan il viadi a scola cul scooter drovan il passapei, portan ina capellina e prendan risguard sils pedunzs.
  • Affons che fan il viadi a scola cun velo setegnan vid las reglas da traffic e portan ina capellina. (cazzola, relecturs, indicar midada da direcziun)

Bien engraziament per Vies sustegn ed amicabels salids

Gian-Reto Nufer, meinascola

strategia dalla scola tujetsch

Eifer ils davos onns da scola ein la Scola Sedrun ed ils responsabels sefatschentai da rudien cun siu futur. En ina pluna sesidas ein differentas ideas e visiuns vegnidas discussiunadas ed analisadas. Il resultat da quellas discussiuns astgein nus presentar cheu en fuorma d'ina strategia

WhatsApp en scola

Il diever da WhatsApp sco mied da communicaziun per scolas ha caschunau en differents cantuns dalla Svizra grondas discussiuns. Era las persunas d’instrucziun dalla Scola Sedrun fan diever da WhatsApp per informar geniturs. Consequentamein havein giu endamen en caussa e priu communablamein la decisiun dad era vinavon far diever da quei canal da communicaziun. Per risguardar la segirtad da datas duei quei denton succeder sin fundament dallas reglas suandontas:
 

Reglas pils chats da classa sur WhatsApp

  • La persuna d’instrucziun informescha sulettamein davart occasiuns da scola ed en cass dad atgna malsogna.
  • Informaziuns vegnan BUCA commentadas nunnecessariamein.
  • Nums d’affons vegnan BUCA numnai el chat da classa.
  • Videos e fotografias d’affons vegnan BUCA tarmess el chat da classa.
  • Informaziuns bilateralas (persuna d'instr. - geniturs) vegnan BUCA tarmessas el chat da classa. 

Cordial engraziament per la buna collaboraziun - Scola Sedrun