La damaun da mesa la nov essan nus sentupai per carrar ensemen encunter la Val Sumvitg. Silsuenter essan nus caminai dalla via viaden encuter Laus. Ei era ina calira narra ed il trutg era fetg teiss. Mesa las endisch essan nus finalmein arrivai sil Lag da Laus.
Si leu era la survesta bellezia. Cun nus essan arrivai eran ils emprems gia segli ell`aua. Ei era ina fetg emperneivla sferdentada da seglir ell`aua. Silsuenter havein nus gentau ed havein era giu la pusseivladad da grillar. Suenter il gentar havein nus cuntinuau il viadi encunter Fontanivas. Ei era ina stentusa e strentga via. Nus havein stuiu traversar entgins flums cun biara crappa. Cul sustegn dil scolast Manfred han tuts dumegniau da traversar il prigulus flum. Muort las caliras ed ils incaps che havein giu, havein nus stuiu far bia pausas ed aschia druvau mesa ura pli ditg. Da mesa las tschun eran nus finlamein arrivai avon l`ustria da Fontanivas ed havein gudiu in bien glatsch.
Silsuenter essan nus semess sin via encuter Sedrun cun il Daniel. Igl ei stau in bi e stregn viadi sil Lag da Laus.
