Il fevrer 2025 han liug a Lai per l`emprema ga ils campiunadis mundials da biatlon. Leu semesiran ils megliers biatlets dil mund per il tetel dil campiun. Per far empau pli popular quei sport era tier ils affons, ha igl uffeci da sport dil cantun Grischun cumprau in indrez da schibas e buis da laser per saver sittar en halla da gimnastica.
Scolast Maurus ei cussegliader da sport sissum la Cadi ed ei vegnius instruius pertuccont il manischar culla buis. Nus havein giu la quida da prender si quei equipement e Maurus ha organisau che tut ils affons naven dalla 1. – 9. classa han saviu empruar ora quei special sport.
Sco emprem ha ei dau empau teoria e lu han tuts empriu da sittar. Il davos stuevan ils affons sittar. Per mintga schiba ch`era buca gartegiada han els lu stuiu cuorer ina runda da castitg avon che serender silla runda principala e lu puspei vegnir anavos sil stan da sittar. Tut ils affons han schau plascher quei special eveniment. Forsa ha in ni l`auter survegniu tschaffen da forsa far quei sport.
