slideshow_01.jpg

plan da vacanzas

Cheu anfleis vus il plan da vacanzas pils proxims onns da scola. En quei senn fagein attents ch'il temps d'educaziun vegn alzaus sin 39 jamnas (tochen dacheu 38 jamnas) naven digl onn da scola 2021/22 e che midadas dil plan da vacanzas ein pusseivlas. 

tests da corona alla scola

Naven da mardis ils 9 da mars 2021 entschevein nus culs tests da corona alla Scola Sedrun. Ils resultats dils tests vegnan communicai eifer 24 tochen 36 uras al meinascola. 

  • En cass d'in test negativ suonda negina annunzia als geniturs. 
  • En cass d'in test positiv en classa suonda l'annunzia alla persuna d'instrucziun da classa. Silsuenter succedan tests singuls eifer la classa ed ils geniturs vegnan informai directamein entras il contact tracing dil cantun en cass d'in test positiv. Il cantun decida allura davart il proceder en caussa. 

Il cerchel scolastic engrazia per la buna collaboraziun e giavischa bialas vacanzas. 

Gian-Reto Nufer, meinascola

organisaziun onn da scola 2021/22

Cun grond plascher astgein nus informar vus che la Scola Sedrun ha anflau ina buna successiun per las persunas d'instrucziun partentas. 

Sill'entschatta digl onn da scola vegnent vesa l'organisaziun ora suandontamein: 

  • Nicolina Cathomen-Giossi succeda ad Ursula Cadalbert e surpren la 3./4. classa. 
  • Sabrina Suppiger-Hendry remplazza Nicolina Cathomen-Giossi sil scalem ault. Plinavon surpren la Sabrina il pensum sco meinascola dalla Scola Sedrun naven digl uost 2021. 
  • Maurus Suppiger surpren il pensum da Gian-Reto Nufer sil scalem ault. 

Nus giavischein ad els tuts buna satisfacziun en lur nova incumbensa e selegrein dad haver anflau persunas cun gronda experientscha per las plazzas. 

reglament da congedi ed absenzas

Preziai geniturs

Sin fundament dil conclus dil Cussegl da scola ils 14 da schaner 2021 anfleis vus cheu il reglament da congedis ed absenzas surluvrau. Niev ein oravontut las decisiuns partenent dis da joker. Ils detagls saveis vus leger directamein el document. 

ulteriuras mesiras covid-19

Sin fundament dallas novas mesiras pertuccont COVID-19 ha la Scola Sedrun decidiu ch'ils affons dalla 5. e 6. classa primara han naven dad immediat era da purtar mascrinas. Quei vala pigl entir areal da scola, pia era sin plaz pausa. 

Engraziel fetg per la capientscha e la buna collaboraziun.

Gian-Reto Nufer, meinascola

COVID-19