slideshow_03.jpg

COVID-19 !!!

Astga miu affon vegnir a scola sch'ina persuna dalla famiglia ni che viva el medem percasa sto far in test? 

NA, igl affon ha da restar a casa en curontina tochen ch'il resultat dil test ei avon maun.

  • En cass d'in resultat negativ astg'igl affon puspei vegnir a scola. 
  • En cass d'in resultat positiv sto igl affon star 10 dis en curontina. 

Nus supplichein tut ils geniturs ed affons da setener vid las reglas suranumnadas ed engraziein per la buna collaboraziun. 

cuors da senudar

Bugen fa la scola attenta sin suandonta purschida: 

Ab nächster Woche biete ich im Bogn Sedrun wieder Schwimmkurse an:

  • Wassergewöhnung
  • Level 1-5
  • Lern- und Spassgruppe Platsch
  • Kraulkurs für Jugendliche und Erwachsene


Alle Informationen zu den Kursen findet man hier: schwimmen-sedrun.ch

Cordials salids
Desiree Willimann

mesiras covid-19

Sin fundament dalla situaziun actuala en connex cun Covid-19 ha la Scola Sedrun elavurau in CONCEPT DA SCHURMETG per l'instrucziun. Nus supplichein da dar in sguard lien ed engraziein gia ordavon per la buna collaboraziun. 

Plinavon vala il suandont: 

  • Igl ei giavischau che persunas che han buca da far directamein cul menschi da scola stattan naven digl areal dalla scola. 
  • Las mesiras da higiena d'avon las vacanzas valan aunc adina: lavar mauns cun savun, desinfectar ils mauns tier las staziuns, tener la distanza dad 1.5m tier persunas carschidas e buca dar maun in a l'auter. 
  • En cass d'enzennas da malsogna eis ei da contactar il miedi da casa e da restar a casa entochen ch'ils simtoms ein svani per 24h. Tier affons naven da 12 onns ensi vegn cussegliau da far in test da covid-19. 
  • Famiglias che tuornan dallas vacanzas ord tiaras che sesanflan silla gliesta dil BAG ston star 10 dis a casa (curontina) avon che vegnir a scola. 

Bien engraziament per vies sustegn e cordials salids

Gian-Reto Nufer, meinascola

strategia dalla scola tujetsch

Eifer ils davos onns da scola ein la Scola Sedrun ed ils responsabels sefatschentai da rudien cun siu futur. En ina pluna sesidas ein differentas ideas e visiuns vegnidas discussiunadas ed analisadas. Il resultat da quellas discussiuns astgein nus presentar cheu en fuorma d'ina strategia

WhatsApp en scola

Il diever da WhatsApp sco mied da communicaziun per scolas ha caschunau en differents cantuns dalla Svizra grondas discussiuns. Era las persunas d’instrucziun dalla Scola Sedrun fan diever da WhatsApp per informar geniturs. Consequentamein havein giu endamen en caussa e priu communablamein la decisiun dad era vinavon far diever da quei canal da communicaziun. Per risguardar la segirtad da datas duei quei denton succeder sin fundament dallas reglas suandontas:
 

Reglas pils chats da classa sur WhatsApp

  • La persuna d’instrucziun informescha sulettamein davart occasiuns da scola ed en cass dad atgna malsogna.
  • Informaziuns vegnan BUCA commentadas nunnecessariamein.
  • Nums d’affons vegnan BUCA numnai el chat da classa.
  • Videos e fotografias d’affons vegnan BUCA tarmess el chat da classa.
  • Informaziuns bilateralas (persuna d'instr. - geniturs) vegnan BUCA tarmessas el chat da classa. 

Cordial engraziament per la buna collaboraziun - Scola Sedrun

via a scola – informaziuns pils geniturs

Sin via a scola dat ei differents prighels. Adina puspei vesin nus sin via acziuns prigulusas e vulein perquei far attents Vus che la via a scola stat ella responsabladad dils geniturs.

Per affons che fan il viadi cul bus da scola ei la responsabladad tier la scola (dil mument ch’ils affons entran el bus entochen ch’els sortan). En quei connex eis ei fetg impurtont ch’ils affons stattan eri, tochen il bus ei parcaus.

Igl ei impurtont ch’ils affons emprendien da veser ed untgir ils prighels sin via aschi bein sco pusseivel. Perquei supplichein nus Vus da tematisar il viadi a scola cun vies affon ed intimar el d’observar las suandontas recumandaziuns:

  • Affons che fan il viadi a scola cul scooter drovan il passapei, portan ina capellina e prendan risguard sils pedunzs.
  • Affons che fan il viadi a scola cun velo setegnan vid las reglas da traffic e portan ina capellina. (cazzola, relecturs, indicar midada da direcziun)

Bien engraziament per Vies sustegn ed amicabels salids

Gian-Reto Nufer, meinascola

COVID-19