Viadi da scola dalla 3. e 4. classa

Entschiet ha nies viadi alla staziun da Sedrun. Cul tren dallas 8:31 essan nus semess sin via encunter igl Alpsu. Pacificamein essan nus viagiai sper il lag vi, sper las vaccas che suandavan nus e sur las bialas pradas. Arrivai a Nätschen havein nus fatg la pausa da miezdi sin la plazza da giug.

Suenter haver gudiu il gentar, dau segls sil trampolin e seruschnau bia gadas dalla ruschnera giu havein nus cuntinuau nies viadi. Atras igl uaul havein nus giu da far ina massa carauns entochen che nus essan arrivai ad Ursera. Suenter quei viadi da quella calira, han ils affons meritau in glatsch per sefrestgentar. Duront spitgar sil tren han ils affons saviu giugar sin la plazza da giug d`Ursera. Finalmein ei il tren arrivaus e nus havein saviu semetter sin via a casa. El tren eran nus la finfinala schon in tec staunchels. Denton mirond anavos eis ei stau in fetg bi viadi da scola.