viadi a tavau
Allas 09:16 essan nus i naven da Sedrun cul tren direcziun Claustra. Leu essan nus i silla plazza da giugs che senumna Silvretta Park. Leu havein nus magliau gentar ed havein dau giugs. Suenter essan nus i encunter la plazza da minigolf. Suenter 18 ruosnas essan nus i a Tavau cul tren. Cura nus essan arrivai tier igl albiert ha la scolasta empustau pizza per nus. Suenter havein nus fatg ina pintga parada da moda e las 21:00 essan nus ir en combra a durmir.
Nus essan levai allas 07:00 ed allas 09:00 essan nus ir a magliar solver. Allas 10:30 essan nus i cul bus el parc da sugas. El parc da sugas ha in guid gia spitgau sin nus. El ha declarau tut e nus havein entschiet. Ei deva differentas vias cun differentas grevezias. Ils buobs ein tuts i la greva via e las buobas ein idas vid tschellas treis vias. Vid ina dallas vias savevan ins siglir giu da circa 12 meters altezia nua ch'entgins da nus han schizun ughegiau da siglir. Suenter il parc havein nus magliau nies gentar che nus vevan survegniu da solver. Ils biars buobs ein aunc i el pumptrack ch'era sper il parc. Per che nus saveien lu aunc ir entuorn el vitg essan nus i a pei tochen tiel tren. Nus havein fatg gruppas ed astgavan ir entuorn el vitg libramein. La sera essan nus i sper il lag a grillar. Ei ha dau ligiongias, paun e melona. Nus havein aunc dau entgins giugs ed essan lu i anavos tier igl albiert.
La mesjamna vein nus stuiu esser esser pinai allas 07:15 avon igl albiert. Certs ein levai pli vess ch’auters. Mo la finfinala eran nus schizun pinai memia baul. Perquei vein nus stuiu spitgar 20 minutas sil tren. El tren ha ei dau in pign solver e nus havein dau differents giugs. Arrivai a Cuera essan nus i sin ina plazza da giug. Suenter essan nus i sil viadi encunter la gronda surpresa. La surpresa era in Escape Room. Quels ch’eran gia inaga stai en quei Escape Room ein i cun scolasta Nicole en in pli grev, e tschels cun scolasta Naomi el lev. Quei ei stau fetg interessant. Nus eran tuts ventireivels perquei ch'omisduas gruppas han bunamein dumignau il record da manitschar. Silsuenter havein nus giu duas uras temps liber. Biars ein i el McDonalds ed el Manor. Nus essan sentupai vid mesa las duas avon la staziun dil tren. El tren anavos havein nus puspei dau ina massa differents giugs. Arrivai a Sedrun eran nus ualti staunchels denton era ventireivels.
Text dalla 5. e 6. classa
