slideshow_07.jpg

Di da sport a caschun dil giubileum da “50 onns J&S”

L’organisaziun "giuventetgna e sport“ (J&S) festivescha uonn 50 onns dapi la fundaziun. Quei ei bein motiv avunda da regalar all'organisaziun in di da sport e moviment. Ils 16 da settember era l’aura buc adattada da menar atras quei di sco giavischau ordaviert. Aschia havein nus transferiu tut endadens ed adattau ils 6 posts. Il di ha entschiet cun in sault communabel che tut ils affons han empriu las jamnas vargadas. Silsuenter ein las gruppas ch’eran mischedadas cun affons ord tut las classas i da post tier post e saviu sedivertir sin fetg differenta moda e quei cun igl accent da far ils giugs senza valetaziun. Il moviment ei segir staus el center quei di, denton la buna cumpignia ha era giugau ina impurtonta rolla ed aschia ei quei di reussius en tut ils graus cumpleinamein.