slideshow_05.jpg

olimpiada d‘unviern

Ils scolars dalla 1./2.classa sefatschentan il mument cugl unviern, denter auter cun ils sports d’unviern ed era cun las disciplinas olimpicas. Aschia han els astgau far ina pintga olimpiada silla plazza Dulezi e battiu cun in bien spért da cuminonza en las differentas disciplinas. Ils affons han fatg ina staffetta cun ina scarsola, malegiau maletgs ella neiv, sittau bottas e perfin fatg giugs semeglionts al curling ed al biatlon. Els han fatg enqual suada ed ein separticipai cun grond anim als differents giugs. Alla fin ha mintgin gudignau ina medaglia cun la quala ils affons ein serendi plein luschezia a casa. Grond engraziament a Reto Bearth pil grondius plaz ch’el ha preparau per quell’occurrenza.

En connex cugl unviern ein ils affons medemamein sefatschentai cun ils animals che vivan tier nus igl unviern. Aschia ein els i alla tscherca da fastitgs ella neiv. Ils affons ein stai fiug e flomma d’anflar fastitgs, cunzun quels dil luf vessen els anflau bugen. 

En scola han ils affons plinavon fatg experiments culla neiv e cul glatsch, perscrutau entgins fenomens e scuvretg ina massa novas caussas. 

 

fotografias da Doris Friberg, Lea Berther & Nicoletta Marino