viseta dil sontgaclau en scoletta

Sche Sontgaclau arrivi uonn tier ils affons da scoletta steva ellas steilas. Tonaton havein nus zambergiau cun premura in satget ed empriu ina canzun en cass che nus sevesessen tuttina cun el. E mira cheu, ina damaun ha il bien um cul manti tgietschen telefonau en scoletta e detg ch’el seigi da viadi tier nus cun retard muort la neiv nova ed ils affons dueien vegnir encunter ad el. Quei han ils affons buc schau dir duas gadas.

Igl ei buca iu ditg che nus havein udiu ils scalins. Tgei plascher vicendeivel tier la sentupada. Ensemen essan nus i en scoletta, pertgei ei sburflava buca mo in tec. Leu ha Sontgaclau gl’emprem giu da mirar tgei ch’ils affons han zambergiau e malegiau e lu ha el priu peda in mumenet per mintga singul affon. Ils affons han gudiu la sentupada cul Sontgaclau.

Nus selegrein gia oz sin in seveser igl onn proxim cun Sontgaclau e siu fumegl.

fotografias da Romana Deragisch-Hendry