slideshow_09.jpg

observar steilas e planets

Ils scolars dalla 1. e 2. classa sefatschentan il mument cun las steilas ed ils planets. Il tema fascinescha immens ils scolars ed igl ei adina bi sch’els san colligiar lur savida cun ina biala experientscha.

Il tat da Sofie Steiger, ina dallas scolaras dalla 1. classa, posseda in telescop pli grond ed in empau pli pign. Ed aschia ha Philippe Steiger installau per ils scolars ils telescops per saver obersvar ils misteris dil tschiel.

La sera cu ils affons ein serimnai era il tschiel buca clars diltut. Mo tonaton ei il cletg staus da nossa vart ed aschia ha ei dau gest leu ina ruosna ellas neblas nua ch’ils dus planets Jupiter e Saturn sclarevan. Gest sper la glina che veva ina fuorma da farcla han ils affons saviu observar il planet Saturn. Tgi che ha mirau bein ha schizun viu ils tscherchels dil planet. Gest sper il Saturn encunter ost han ils affons observau il planet Jupiter e schizun viu entginas da sias numerusas glinas. Igl ei stau in eveniment fascinont ed ha franc gidau ils affons da saver s’imaginar la dimensiun da nies univers. 

 

fotografias da Doris Friberg