slideshow_11.jpg

viadi d'atun – scoletta

Il punct da partenza da nies viadi dalla scoletta ei stau Milez. Da magnific’aura essan nus i a pei direcziun Scangleras. Duront la spassegiada culs affons dat ei adina ina massa da veser ed ils egls interessai dils affons vesan da tut las interessantas caussas. Denter auter havein saviu guder entgins izuns sco era garnedels, entupau dus catschadurs senza preda e viu las cauras che han giu marveglias da tons affons.

Da miezdi eran nus el pign uaul sut il Planatsch. Strusch ch’ils affons han mess giu da dies ils sacados han els aunc avon gentar entschiet a termagliar e far giugs e guder tut quei che la natira porscha. Igl ei adina puspei bi e fascinont da veser con tgunsch ch’ils affons san inventar termagls e giugs, esser activs e creativs culla purschida dalla natira. 

Suenter gentar ha ei giu num da puspei metter las combas en moviment direcziun Dieni, pertgei leu spitgava nus ina surpresa. Ils affons savevan che nus retuornien tochen avon scoletta buc a pei, buc cun tren ed era buc cun bus. Massa ideas han els giu ed empruau da lignar co nus arriveien la finfinala a casa; cun helicopter, cun racheta, cun maschina, cun camiun ni carrotscha da cavals – giebien! Igl Edi spitgava sin nus cun cavals e carrotscha. Sco prencis e princessas ein ils affons sesi ella carrotscha e gudiu cumpleinamein la surpresa bein meritada suenter ina biala e per part strentga spassegiada. 

 

fotografias da Flurina Manetsch & Romana Deragisch-Hendry