cavar truffels – mintg’onn in eveniment

Igl ei gia quasi in usit che nus astgein segidar cugl Edi da raccoltar ils truffels. Il temps dad oz eis ei ina raritad ch’in pur fa quella lavur cun agid dils cavals che tilan il criec e drova neginas maschinas. Quei fa igl entir eveniment pils affons aunc bia pli unics.

Ils affons han luvrau sco furmiclas e rimnau ils truffels che cumparevan alla surfatscha suenter ch’il criec era ius atras il tratsch. Uonn ei la raccolta stada pli pintga ch’igl onn vargau cunquei ch’ei ha pluiu bia. Co ils truffels vegnan a gustar savein nus pér giudicar cu nus havein cuschinau zatgei cun els.

fotografias da Flurina Manetsch & Romana Deragisch-Hendry