slideshow_09.jpg

viadi da primavera dalla 1. & 2. classa

Cun Daniel Schmid essan nus serendi a Sagogn el pistregn dalla casa pervenda. Leu ha Petra Cavelti beneventau nus tier il luvratori da far paun e pizza. 

Ella veva gia preparau per nus in briec pasta ed ils affons ein semess cun anim vid formar bials pauns. Duront ch’ils pauns ein stai el fuorn da lenna han ils affons astgau far la pasta dalla pizza e perfin mular sezs salin. Mintgin ha astgau prender in paun ord fuorn avon che decorar sia pizza. Petra ha declarau als affons tgei ch’in sgarabriec ei ed ils affons han astgau gustar quei paun che vegn fatgs culla pasta che resta anavos el briec. 

Ils affons han empriu ina massa davart las differentas sorts da graun. Da gentar vein nus gudiu nossas bunas pizzas. Nus tuts vein passentau in bellezia di a Sagogn e vein astgau prender cun nus in buontad paun a casa.

 

fotografias da Doris Friberg