slideshow_09.jpg

pluscheins en scoletta

Gia dapi entgins onns eis ei bunamein daventau in usit che nus schein sluitar pluscheins avon Pastgas. Era uonn ei quei stau il cass. Pils affons ei il temps da spitgar sill’arrivada dils pluscheins meins spectaculars e tuttina miran els di per di ella cuera cun en ils ovs.

Suenter 21 dis haver pazienzia sil grond di nua ch’ils pluscheins entscheivan a piclar vid la crosa, ein tuts agitai e plein marveglias. Adina ei quei in eveniment che fa pial gaglina. Saver observar la naschientscha dils pluscheins aschi datier ei mo pusseivel grazia ad ina cuada artificiala.  

Uonn ha nies pedel, igl Andreas fabricau per nos pluscheins in bellezia gagliner nua ch’els han astgau passentar entginas jamnas. Ils affons han saviu observar, accumpignar ed haver quitau dils pluscheins tochen ch’els ein stai gronds avunda per prender dimora sin in bein puril. 

Enta Rueras en in gagliner tier il Nevio han nos pluscheins anflau lur niev dacasa. La surdada dils pluscheins havein nus fatg communablamein e gest visitau ils auters animals dil bein puril dils geniturs da Nevio, Ines e Daniel Monn. 

 

fotografias da Romana Deragisch-Hendry