slideshow_09.jpg

1. & 2. classa visetan il menaschi puril

El rom natira & human sefatschentein nus actualmein cun il tema bein puril. Per quei motiv vein nus astgau visitar il bein puril dalla famiglia Steiger a Zarcuns. Gia ordavon ha nies conscolar Emil raquintau a nus da lur rodund 50 anseuls ch’ein naschi las davosas jamnas.

Iris e Cyril han beneventau nus avon stalla e declarau a nus co nus vein da secuntener ella vischinonza dils dus tgauns da protecziun. Ensemen essan nus entrai en stalla ed immediat ein ils dus tgauns Kiwi e Pablo vegni per ferdar ed inspectar nus. Cunzun Kiwi ha encuretg la vischinonza dils affons e gudiu da vegnir carsinada. Ils affons han immediat engartau ils bellezia anseuls. Tgi ha schau litgar, strihau e schizun purtau ils bials animalets – e tut ils affons han serrau enqual ansiel el cor. 

Ils dus tgauns han fascinau nus cun lur ruasseivladad e vischinonza amicabla. Cyril ha declarau a nus co ils tgauns s’integreschan ella muntanera e tgei pensums ch’els han. Emil ha raquintau a nus ina massa da sias cauras. Nus vein empriu d’enconuscher enqual caura ed ils affons han saviu far massa damondas ad Iris e Cyril. Il pli bugen vessen ils affons priu in ni l’auter animal cun els a casa.

Nus engraziein grondamein alla famiglia Steiger che nus vein astgau visitar lur menaschi puril. 

 

fotografias da Doris Friberg