decoraziun da nadal en scola

Sco mintg'onn havein nus era uonn vuliu far ina decoraziun da Nadal vid nossas finiastras dalla scola. Cunquei che tut las occurrenzas da Nadal ein strihadas ei quei il sulet che nus havein astgau far e quei aunc sin  moda speciala. Normalmein mischedavan nus tut ils affons naven da scoletta tochen il scalem ault, fagevan gruppas e luvravan in miez di sco project vid quellas finiastras. Igl era interessant da veser co ils pigns ed ils gronds lavuran ensemen. Uonn havein nus buca astgau mischedar las classas, aschia che mintga classa ha luvrau persula. Nus havein tagliau massa pintgas e grondas steilas da tagl-forsch (Scherenschnitt). Lu havein nus taccau ensemen quellas ad in pigniel. Mintga finiastra da nossa scola decorescha uss in pigniel duront il temps d'unviern. La decoraziun vesan ins buca mo duront il di. Ei renda da far in spassegiada e contemplar nossa decoraziun d'unviern. 

fotografias da Nicoletta Marino