aunghels per la biblioteca da mustér

Ils scolars dalla 1. e 2. classa han astgau far la decoraziun da Nadal per la biblioteca populara a Mustér. Gia direct suenter las vacanzas d'atun da bellezia aura – insumma buca atmosfera da Nadal – havein nus entschiet cun nies aunghel. Cun cumbinar differentas tecnicas d'art textil e tecnica sco far cun crutsch, prender si onzas, resgiar, tagliar, taccar etc. ha igl aunghel tec e tec priu la fuorma giavischada. Miez november han ils aunghels lu fatg il viadi o Mustér. Ussa decoreschan els la biblioteca sur il temps d'Advent e la fiasta da Nadal.

Ils affons ein stai fetg loschs da saver deponer els en biblioteca. Els selegravan gia dad ir a visitar ses aunghels. Deplorablamein impedescha il cuort lockdown quei giavisch. Forsa gartegia quei lu tuttina suenter Nadal. Perquei anfleis vus cheu entginas fotografias. 

fotografias da Petra Schmid