slideshow_09.jpg

viseta el museum dalla natira ella claustra mustér

Tgei animals selvadis che fan la sien d’unviern e co ei vesan ora ei adina puspei temas ch’interesseschan ils affons. Per quei motiv ei ina viseta el museum dalla natira optimal per in bi eveniment nua ch’ins vesa ils animals fetg datier. 

Il venderdis, ils 27 da november 2020 essan nus stai el museum dalla natira – quei en cumbinaziun cun ina historia da Sontgaclau che tracta d’in glis che ha aunc mai viu il Sontgaclau perquei ch’el fa lu adina la sien d’unviern. Igl ei in grond giavisch dad el d’inaga s’entupar cul Sontgaclau ed ils animals selvadis empermettan la finala ad el da clamar el ord la sien cu Sontgaclau arriva egl uaul. Tgisà sche quei ei la finala succediu? El museum dalla natira havein nus giu il cletg da veser il glis, pertgei ella natira entaupan ins darar el. Era auters animals enconuschents e meins enconuschents han ils affons saviu contemplar cun grondas marveglias. 

La finala essan nus turnai a casa cun massa interessantas informaziuns ed impressiuns dils animals e dil museum ed igl ei sco adina stau in bi eveniment.

 

fotografias da Romana Deragisch-Hendry