slideshow_04.jpg

viseta tiels pumpiers

A caschun dil giubileum da 150 onns dall'Uniun da pumpiers dalla Svizra han ils affons e giuvenils dallas scolas Tujetsch e Mustér zambergiau e malegiau tenor classa/scalem in maletg. Ils megliers tschun ei vegni premiai igl uost 2019. Lur premi – in suentermiezdi culs pumpiers – han els astgau retrer il venderdis vargau avon las vacanzas d'atun. Sco engraziament per lur bials maletgs han ils Pumpiers Sursassiala dau investa en lur pensums ed ils affons e giuvenils sezs han astgau sesentir empau sco pumpiers. Eifer quater posts han els en emprema lingia secapescha astgau rimnar experientschas cun aua e fiug. Naturalmein ha era igl autoscala buc astgau muncar. Plinavon han ils affons empriu d'enconuscher ils Pumpiers Sursassiala cun in quiz sur func; il highlight ei denton suandaus la fin en fuorma d'ina cozza da spema. Entginas impressiuns anfleis vus cheu sut. 

fotografias da Gian-Reto Nufer & Nicolina Cathomen-Giossi