viseta dil sontgaclau en scoletta

Mintg’onn spetgan ils affons da scoletta vess silla viseta dil Sontgaclau. Quei ei naturalmein era uonn stau il cass. 

Il Sontgaclau ha scret als affons ch’el seigi egl uaul giun Cavorgia vid encurir igl asen che seigi fugius. El duvrassi uss dispet igl agid dils affons per anflar quei stroli. Perquei essan nus semetti sin viadi en direcziun Cavorgia. Ils affons ein stai fatschentai cun encurir fastitgs dad asens ella neiv. Viu havein nus ina massa fastitgs ed ils affons han manegiau ch’els hagien perfin viu quels dil luf. Cun encurir essan nus casualmein sevesi cun Sontgaclau ch’encureva gie era igl asen. Quei ei gest stau la caschun pil Sontgaclau da prender in mumentin peda e raquintar a mintg’affon zatgei.

Deplorablamein havein nus buca pli saviu gidar ad encurir igl asen, pertgei ei era gia uras dad ir a gentar. Nus sperein fermamein ch’il Sontgaclau anfli siu amitg da quater combas e che nus seveseien in auter onn puspei.

fotografias da Romana Deragisch-Hendry