slideshow_03.jpg

viseta tier il casperet en biblioteca

Tgi enconuscha buc quei tip che conta “Tri tra trallalla….” – giebein, il casperet.

Mintg’onn vegnin nus dalla scoletta envidai dalla biblioteca da mirar ina nova aventura dil casperet e ses amitgs. Igl ei bi da veser el temps dad oz, digitalisaus e moderns, con fetg ch’ils affons selegran da visitar il casperet. 

Cu el entscheiva a cantar “Tri tra trallalla….” regia in silenzi tut aparti e finadin ei spanegiaus tgei ch'il casperet vegn a raquintar. Cun bucc’aviarta miran e teidlan ils affons ed ein surpri da tut quei che schabegia davontier. Els rian, selegran e teman per e cun casperet en tut las situaziuns ed ein plein emoziuns. Igl ei buca mo bi mirar il cunfar dil casperet e ses amitgs, mobein nundetg bi da veser co ils egls dils affons tarlischan duront la historietta.

In grond cumpliment ed in cordial engraziel fetg allas engaschadas dunnas che preparan onn per onn cun bia carezia e premura la presentaziun. 

La viseta tier il casperet animescha uss ils affons da divertir in l'auter cun legras historiettas. 

Sin bien seveser speronza in auter onn puspei. 

 

fotografias da Manuela Venzin e Petra Schmid