finiziun digl onn da scola 2018/19

Culla finiziun digl onn da scola 2018/19 ha ei medemamein giu num prender cumiau da treis persunas d'instrucziun fidadas; quei en persuna da Barla Cavegn, Gelgia Deplaz e Marcus Bearth. Communablamein han els instruiu buca meins che 88 onns alla Scola Sedrun - buca da s'imaginar contas scolaras e cons scolars ch'els han en quei temps astgau accumpignar sin lur via. Per quei motiv ha la Scola Sedrun fatg ina surpresa allas persunas numnadas; igl ei vegniu cantau, resdau e spons beinenqual larmin. Entginas impressiuns da quella finiziun anfleis vus cheu sut. 

En quei senn schein in ENGRAZIEL FETG! ad els per tut il prestau duront quels numerus onns e giavischein alla Barla, la Gelgia ed al Marcus da cor tut bien per lur temps suenter la scola e sperein ch'els sappien magari guder in pèr minutas sin lur schischeras e prender la veta dil mintgadi empau pli pacific. 

fotografias da Sandro Tomaschett