slideshow_04.jpg

di da sport communabel 2019 a rueras

Il di da sport communabel dil scalem primar ha uonn puspei giu liug en Tujetsch. Quella ga ei la gruppa d'organisaziun sedecidida d'organisar in di da sport en fuorma da giugs divertents al Plaun da Pors a Rueras. Las scolaras ed ils scolars da Mustér e Tujetsch ein vegni mischedai en 16 gruppas. Sin otg differents posts han las gruppas allura saviu semesirar mintgamai ina encunter l'autra. Aschia ha ei p.ex. giu num emplenir ina buot aschi spert sco pusseivel cun aua, absolver ina percuorsa sil plaz da giugs ni sittar giu cuppas cun ina sprezza da zeiver. Mo era giugs sco bal barschau e bal corda han anflau plaz en nies program. Sco gia menziunau ei il plascher staus el center duront quei di da sport e pli pauc la prestaziun. 

Ils resuns da tuts participai ein stai pil pli positivs suenter quei di. Sulettamein l'aura havess astgau esser empau pli caulda la damaun; lezza savein denton buc era aunc organisar ;-) Tut en tut havein denton buca giu plievgia quei di vid miezdi ei la finfinala era il sulegl semussaus. 

 

fotografias da Roger Tuor, Nicoletta Marino & Sandro Tomaschett