decoraziun d'unviern per la scola

Uonn ei la Scola Sedrun puspei sedecidida da decorar la casa da scola pigl unviern - l'alzada suren cun vitgs e marcaus, l'alzada sut cun uaul ed animals che habiteschan en quel. Pil project communabel da grond e pign ein las scolaras ed ils scolars dalla scoletta tochen il scalem superiur vegni mischedai per decorar las finiastras viers sid. Grond e pign ein segidai tenor lur meglier saver e puder - ed il resultat selai veramein veser! Schizun Sontgaclau ha schau plascher nies project ed ha fatg ina viseta duront pausa per saver seperschuader dalla buna lavur. 

Cheu sut anfleis vus entginas impressiuns dalla lavur communabla, sco era dil resultat final. Ins astga oravontut esser spangegiaus tgei cumparsa che la decoraziun fa da stgir ;-) 

fotografias da Sandro Tomaschett