viadi d'atun - scoletta

Edi Hess da Rueras/Dieni pratichescha entginas lavurs purilas sco avon biars onns. Ina da quellas ei il cavar truffels. Cun cavagl e criec slucca el la tiara per aschia saver raccoltar ils truffels. 

Gia sco igl onn vargau essan nus vegni envidai da segidar da raccoltar. Bugen havein nus priu encunter quella invitaziun e cumbinau cun il viadi d'atun. Igl ei adina fetg spannegiond da mirar tgei grondezias e fuormas fetg differentas ch'ils truffels han. 

Suenter haver raccoltau varga ina tonna truffels e priu encunter la pagaglia en fuorma da truffels essan nus serendi giu sil Plaun da Pors per guder il bein meritau gentar. Igl ei stau in bellezia di che vegn a restar en buna memoria. 

fotografias da Romana Deragisch-Hendry