la scoletta raccolta truffels

Il pur Edi Hess da Dieni ha envidau la scoletta da vegnir a gidar da raccoltar truffels. Cun zeivers e stivals essan nus serendi sil funs e sco emprem ha igl Edi scavau e sluccau il tratsch cun agid dil criec e dils cavals.

Silsuenter ei igl encurir truffels iu sco da far nuot. Nus havein anflau gronds e pigns truffels e da quels da tuttas differentas e legras fuormas. En in gienà ein ils zeivers e las chistas stai empleni tochen sum. E tschufs eran nus era tochen sum; perfin las soccas eran plein tratsch. Sco pagaglia ha mintg’affon astgau prender a casa entgins truffels. In grond engraziel fetg agl Edi per quei bi e nunemblideivel eveniment.

En scoletta havein nus l’auter di contemplau el detagl ils gronds e bials truffels e lu fatg pommes frites. Tgei buns pommes frites quei ei stau…. !!!! Suenter esser stai cuschiniers essan nus daventai picturs ed havein fatg maletgs e musters cun buls da truffels.

fotografias da Romana Deragisch-Hendry & Gelgia Deplaz