slideshow_04.jpg

ina partida curling per la recreaziun

Gievgia sera, ils 26 da schaner, ein las persunas d'instrucziun dalla Scola Sedrun stadas envidadas dil Cussegl da scola ad ina sera communabla. Per quella sera ha il cusseglier da scola Pio Hendry organisau ina partida curling e silsuenter ina tscheina communabla. Avon ch'entscheiver las partidas ha ina cuorta introducziun el sport da curling giu liug. Beinspert han scolastas e scolasts stuiu veser en ch'ei vesa magari ora pli sempel en televisiun che quei ch'igl ei en verdad: ruschnar, stuschar, menar, schubergiar e tactisar pretendan ina immensa concentraziun e precisiun. El center dalla sera ei perencunter buc il success staus, mobein il plascher e la recreaziun. Co las persunas d'instrucziun ed ils commembers dil Cussegl da scola ein sestellegiai veseis vus en nossa gallaria. 

 

fotografias da Mario Hitz