il scalem bass sil bein puril

Duront la davosa etappa da scola sefatschentan l’emprema e la secunda classa da realias cul tema bein puril. Per quei motiv han els visitau il bein puril da Cornelia e Baseli Berther a Dieni. Leu han els empriu d’enconuscher ils products da latg e perfin fatg sez tals. Aschia han els produciu pischada, milkshakes e perfin caschiel frestg. Era en stalla han ei giu caschun dad ir. Leu han ei pervesiu ils animals, bess ord nuegl, strihau ed observau ils animals e mulschiu a maun, sco era astgau veser co ei vegn mulschiu cun maschina.

Suenter haver mulschiu ei la gronda damonda stada: Nua va il latg uss? Perquei han ils affons visitau la stalla dalla claustra a Salaplauna. Cheu han ils affons viu tgei che schabegia cul latg. Els han astgau mirar ella cascharia e Cornelia ha declarau exactamein tgei che capeta cul latg. Era ina investa ella stalla han els survegniu e perfin ils dus taurs han ei astgau contemplar da maneivel. Tgei impressiunonts animals!

Cornelia e Baseli han instruiu ils affons cun plascher ed han saviu intermediar diltut als affons. In engraziel fetg per tut la breigia e la premura che vus veis investau en quels suentermiezdis. Ils affons han empriu ina massa e l’excursiun vegn a restar a tuts en buna memoria.

fotografias da Carla Nay