exercezi da protecziun civila

Gievgia, ils 28 d'avrel, ha la 3. tochen 6. classa dalla Scola Sedrun exercitau la situaziun d'evacuaziun dalla scola, quei a caschun d'in exercezi dil schurmetg civil. Suenter che las scolaras ed ils scolars ein vegni evacuai e registrai sin plaz scola, ein els vegni menai el tschaler dil schurmetg civil sut Tgèsa communala. Leu han ils affons retschiert enzatgei pauc dallas nov e silsuenter dau giugs - seigi quei en tschaler ni giuadora sil plaz dir. Da miezdi han els allura astgau guder in prima gentar ella tendas tschentadas sil plaz dir. 

Suenter gentar ha ei dau ina cuntinuaziun dils giugs. Plinavon han las scolaras ed ils scolars era astgau emprender enzatgei davart las incaricas ed il mintgadi dil schurmetg civil. Las 14:00 uras ein ils affons la finfinala vegni relaschai cun in pign regal. 

Ina cuort'impressiun digl exercezi ord vesta dil schurmetg civil en fuorma da video anfleis Vus cheu. 

fotografias da Sandro Tomaschett

fotografias dil Schurmetg civil Turitg