slideshow_03.jpg

ursin sin viseta en scoletta

Da present ei igl Ursin e sia plumpa sin viseta tiels affons en scoletta. El ha giu da raquintar ina massa da siu vitg nativ Guarda ell’Engiadina, da sias cauras,  digl usit da Chalandamarz ed aunc da bia auter. Nus havein evenimentau cun el il tema intensivamein e denter auter era fatg excursiuns e caussas specialas.

In di havein nus fatg viseta allas cauras e lur anseuls en stalla dalla Lisa, ina buoba da scoletta. En nuegl havein nus astgau passentar in dètg muement ed emprender d’enconuscher quei carin animal. Cunquei che Lisa e ses fargliuns ein savens en nuegl ein las cauras endisadas cun affons e selegran da visetas. Ina gruppa ha perfin giu il cletg da veser co in ansiel ei naschius.

Uonn ha era Sedrun giu Chalandamarz sco ell’Engiadina. Ei era gia miez mars cu nus essan i sil museum per contemplar plumpas, stgellas e scalins. Sco davos ha mintgin dils affons survegniu surdau ina plumpa ni stgella per lu far il til da Chalandamarz tras il vitg da Sedrun. Per ils affons Tuatschins ei quei stau ina honur dad era inagada astgar far Chalandamarz ed igl ei stau in fetg bi eveniment.

fotografias da Romana Deragisch-Hendry