slideshow_03.jpg

runal da skis da cavals

Il passiunau pur da Dieni Edi Hess ha duront sia lavur sil bein puril magari bunas ideas che van ad el tras il tgau cun esser di per di entuorn ses animals. Ed ina da quellas ideas ei era il runal da skis culs cavals. In runal che drova buc forza electrica ed ei cumpleinamein naturals.

Ils affons dalla scoletta han astgau guder quei special runal ed igl ei stau in eveniment unic. Entginas gadas ein ils affons i si e giu cun skis e fussen aunc i ditg sch’ils cavals havessan buca duvrau ina pausa. Pertgei ei drova tuttina bia energia da trer si 10 affons che sependan vid la suga davostier en ina via da neiv. Forsa dat ei in’autra gada puspei la caschun.  

Nus engraziein grondamein agl Edi ed a ses treis cavals che nus havein astgau esser dalla partida.

 

fotografias da Romana Deragisch-Hendry