cuschinar culla scoletta

Inagada astgar esser cuschiniers ensemen culs scolars gronds plaschess franc a mintgin…… e nus havein astgau far quei in di……

Venderdis, ils 15 da schaner, eis ei stau aschi lunsch che nus essan s'entupai culs scolars dil 2. scalem ault e lur scolasta Barla en cuschina dalla scola. Mintgin da nus haveva si in prima scussal per gie buc far tschuf il resti e massa uorden era gia pinau. Ils scolars e nus affons da scoletta essan vegni parti en gruppas e lu eis ei iu liber.

Tgi haveva da far il dessert, auters eran vid la spisa principala ni la salata. Mintgin saveva tgei ch’el haveva da far. In’uriala ei vegniu luvrau intensivamein ed ei ferdava adina meglier e meglier ord il furnel ni ord la cazzetta. 

Ils scolars gronds han propi schau gidar nus pignets tier tut las lavurs. Quei ei stau fetg carin ed ha naturalmein era plaschiu a nus.

La finala ein suenter varga duas uras tuts semess a meisa ed han gudiu igl oreifer bien gentar. Ei ha dau salata, pommes frites cun chicken nuggets e sco dessert zugliau da meila cun crèma da vanilla. E quei tut havein nus fatg sezs dad A-Z. Il gentar ha gustau excellent e las scadialas eran vitas.

Per nus pignets ei quei stau in tut special e nunemblideivel eveniment. Engraziel fetg a tuts !!!

fotografias da Romana Deragisch-Hendry