pluscheins en scoletta

Pazienzia, tensiun e marveglias

Di per di cuchegiavan ils affons tras la finiastra digl apparat da cuar per mirar sch’enzatgei semuneti ni sch’in iev seigi gia sin rumper. Il pli bugen havessen els gia viu quei suenter dus dis che nus havevan mess ils ovs egl apparat da cuar. Denton in pluschein drova 21 dis tochen ch’el ei gronds e ferms avunda per rumper la crosa. Suenter 21 dis haver pazienzia ed esser plein tensiun eis ei lu stau aschi lunsch.

Tgei plascher e cunfar ch’ils affons han giu. Cun grondas marveglias miravan els dalla finiastra en cu igl emprem pluschein era gest sesluitaus la damaun. Sil pluschein aunc tut bletschs e fleivels dil grond strapaz miravan uss 20 affons ed eran surpri da quella pintga biala miracla. Finalmein han ils affons astgau beneventar ils animalets sin ils quals els han spitgau vess. Cura ch’ils pluscheins eran schetgs e pudevan star en pei havein nus astgau metter els el curtin ch’ils affons havevan pinau cun bia carezia. 

Uss ein els ina part da nies mintgadi en scoletta ed accumpognan nus tochen Pastgas. Ils affons gaudan d’astgar observar ils pluscheins, haver quitau dad els e naturalemein era astgar carsinar e tener els.

Quei eveniment ei staus per mintgin da nus in punct culminont accumpignaus cun enqual emoziun.

fotografias da Romana Deragisch-Hendry