slideshow_09.jpg

la scoletta el museum claustral

Ils 19 da november ha la scoletta visitau il museum dalla natira ella claustra da Mustér.

Avon che visitar ils animals havein nus admirau l'imposanta baselgia e viu fetg interessantas caussas.

Silsuenter ha pader Theo menau nus el museum nua che nus levan contemplar ils animals da nies uaul. Cunquei che nus essan sefatschentai intensivamein las davosas jamnas cun la tschuetta ed aunc ils ulteriurs animals da nies uaul eran nus vers experts!

Ils animals stuppai ora han plaschiu a nus e mintgin da nus haveva da mirar e raquintar ina massa. Nua che nus miravan engartavan nus enzatgei auter. Quei ei propi stau in bi mirar co nus tuts havevan tschaffen e grond intress dils animals. Surtut ils animals gronds han fatg gronda impressiun a nus.

Alla fin ha mintg’affon astgau malegiar giu in animal cun rispli sco regurdientscha da quella biala viseta el museum dalla claustra che vegn a restar a nus en buna memoria.

 

fotografias e text da Romana Deragisch-Hendry