in "siemi da nadal"

Mesjamna sera, ils 17 da december 2014, ha il scalem primar presentau il teater "In siemi da Nadal" da Roman Weishaupt. Il teater tracta da duas buobas che viageschan atras il temps cun agid d'ina flauta magica. Sin lur viadi entaupan ellas differentas persunas ord diversas epocas, las qualas han emblidau il senn da Nadal. Aschia consista la suita la finfinala ord hippies, contessas dil temps baroc, da consorts ord il temps dall'emprema uiara mundiala, sco era da consorts ord il temps medieval. Schizun in narr dalla cuort da retg Ludivic I. ed il Sontgaclau accumpognan els sin lur viadi a Betlehem. Cun agid da lur ferma cardientscha gartegia ei tochen la fin allas duas buobas da perschuader lur conviandonts dalla miracla da Nadal. E cura ch'els vesan igl affon divin Jesus cun agens egls avon els en stalla, emblidan els tut lur quitaus ed il stress. 

Al gartetg dil siemi da Nadal han tuttas classas primaras contribuiu: Ferton che la 5. e 6. classa cun lur scolasts Beni e Sandro han preparau e giugau il teater, han la 1. tochen 4. classa embelliu la presentaziun cun canzuns mussadas da scolast Gieri. La 4. classa cul scolast Marcus ein plinavon stai responsabels per la reclama e la decoraziun. La stiva da caffè han la 1. tochen 3. classa organisau ensemen cun lur scolastas Carla ed Ursula. Ils costums ed il smincar han las scolastas Nicole e Nicoletta surpriu e per las culissas ha la 5. classa procurau cun scolast Beni. Engraziel zun fetg per la fetg buna ed emperneivla collaboraziun!

fotografias da Carla Nay