slideshow_03.jpg

pign e grond cuschina

Venderdis, ils 5 da december 2014 han ils scolars dil 2. scalem ault cuschinau ensemen culs affons dalla scoletta.

Ei ha dau treis gruppas. Mintga gruppa ha giu da cuschinar spaghettis e salata, far umenets da pasta ed il dessert. Sper tut quellas caussas han ils affons aunc finiu ils creflis dil davos venderdis.

Cun bia pazienzia e sustegn han ils gronds scolars possibilitau als pignets d’astgar cuschinar e gentar en scola. Quei ei naturalmein stau in bi eveniment. 

Il di ei gartegiaus! Tuts han giu fom, magliau cun gust il bien gentar e stai da buna luna.

In grond engraziel fetg als scolars dil 2. scalem ault cun lur scolasta Barla Cavegn.

 

fotografias da Romana Deragisch-Hendry