slideshow_04.jpg

viadi da scola dalla 3. & 4. classa

Nies viadi ha menau nus ad Arth Goldau el parc d'animals. La damaun essan nus serendi cul tren sur il pass Alpsu. El tren han ils affons fatg giugs ed aschia ei il temps ius spert. Ad Andermatt pendeva la nebla tochen giun plaun. Giu Caschinutta plueva ei. Ei saveva pia mo vegnir meglier … E veramein: ad Arth Goldau era ei schetg ed el decuors dil di eis ei perfin vegniu step.

Ils affons han giu plascher dad observar ils animals selvadis. Els han survegniu il pensum dalla scolasta da studegiar e da leger las tablas d'in animal. El tren enviers casa han els lu giu da raquintar a tschels tgei ch'els vevan teniu endamen da lur animal.

El parc essan nus ascendi silla tuor da 29.6 meters ch'igl architect Gion A. Caminada da Vrin ha planisau. Las ligiongias per il gentar han ils affons grillau sezs. Il di ei ius bia memia spert sperasvi. Ils affons vessen aunc ditg persequitau ils animals. Deplorablamein havein nus buca viu l'uolp ed il luf. 

 

fotografias da Nicoletta Marino & Ursula Cadalbert

COVID-19