slideshow_10.jpg

Viadi d’atun 3./4.classa

Duront circa 17'000 pass vein nus viu a fatg massa caussas. Nus essan i a pei da cuminonza, vein entupau enqual muntaniala e giu plascher da quellas. Nus vein luvrau cun craps, furschau ed isau quels tochen ch’els vesevan ora sco uaffens. Duront il viadi da Nätschen tiel Lutersee vein nus ponderau inaga ni l’autra sch’ei detti aunc bia carauns ni sche nus fussien forsa gleiti sisum. Nus vein lignau e dumbrau contas rodas da vent che sesanflan sil Gütsch tier staziun dallas cabinas. Naven dil Gütsch essan nus lu spassegiai vinavon encunter il Lutersee e gudiu la biala crappa e la greppa. Arrivai tiel Lutersee ei il temps sgulaus e nus vein gudiu l’aua, il bi contuorn e la buna cumpignia. Da gentar vein nus strusch giu peda, persuenter han in pèr pigliau peschets, quei cun satgets ni cun in piez.

Suenter in bi di da viadi essan nus semess sin via tier la cabina e gudiu il viadi encunter igl Alpsu. Cul tren essan nus lu arrivai tuts sauns e tafers a casa.