Duront las davosas jamnas essan nus sefatschentai cun crappa, cristallas e crappa preziusa. Duront in avonmiezdi ei Georg vegnius cun nus a cavar cristallas. El ha declarau a nus ils uaffens e mussau co e nua ins anfla las cristallas. Cun siu agid han ils affons anflau beinspert biala crappa e schizun cristallas. Els han pitgau, cavau ed ein turnai vess e nuidis a casa da miezdi. Entgins dis pli tard vein nus visitau il museum per cumpletar nossa savida da cavar cristallas. Beni ha mussau las bialas cristallas da nos cavacristallas indigens e raquintau a nus ina massa davart quella biala pissiun. Edina ha visitau nus en scola e declarau a nus la muntada e la forza dalla crappa preziusa. Edina ha regalau a mintg’affon siu crap da cletg. Nus engraziein da cor a tuts che han priu la peda da parter culs affons lur savida ed experientschas.
