En connex cun igl unviern ein ils affons sefatschentai cun ils differents sports d’unviern e cun ils giugs olimpics d’unviern. Ord quei motiv vein nus giu planisau ina pintga olimpiada d’unviern che vess giu da ver liug ordaviert. Mo gest lu ei igl unviern arrivaus ed aschia vein nus spustau noss’olimpiada d’unviern en sala veglia cun entginas adattaziuns. Tonaton ein ils affons i cun bob, cun skis, cun patinas, fatg biatlon, giugau curling ed alla fin ha mintgin gudignau ina medaglia olimpica. Aschia sco ils vers sportists olimpics ein era ils affons stai loschs da lur prestaziun ed han gudiu quell’occurrenza.
18. Februar 2026
