Tschella mesjamna havein nus decorau las finiastras per il temps d` Advent. Tut ils affons naven da scoletta tochen scalem ault ein vegni parti en 10 gruppas. Mintga gruppa ha lu giu da decorar las finiastras per ina stanza da scola. Mintgamai sut la bitgetta dad in scolast ni ina scolasta havein nus faldau uonn steilas da pupi. Ils affons han faldau massa steilas. Quellas che han buca giu plaz sillas finiastras dattan tempra da Nadal per ils zulers entuorn. Ils affons che duvravan ina pausa da faldar han saviu colurar ruclas cun colurs da lenn. Cun in tric dad ieli ha ei dau ordlunder ruclas transparentas per las finiastras. Quellas ruclas han ils affons astgau prender a casa.
Igl ei mintgaga ga bi da mirar co ils pli gronds han quitau dils pigns e gidan era els.
Per finir giu quei di communabel essan nus serimnai avon scola per contemplar las finiastras decoradas e per cantar in per canzuns da Nadal.
Nus scolars e scolasts dalla scola da Sedrun giavischein a vus tuts in bi temps d`Advent e lu pli tard bialas e benedidas fiastas da Nadal.
