Tgei havein nus fatg avon la jamna da RTR?
Nus essan i in di a Cuera e havein empriu d’enconuscher il team che vegn a luvrar cun nus duront quella jamna da project. Leu havein nus era astgau mirar la casa da RTR. Da miezdi ha ei dau pizza per tuts e suenter essan nus puspei i anavos cun tren a casa.
Suenter ei il team da RTR aunc staus tier nus duas ga per saver far in plan e parter si las gruppas. Nus essan stai fetg motivai per la jamna aschia che nus havein gia sclariu entginas damondas e termins entochen ch’ei ha entschiet.
Nossa jamna cun RTR
L’entschatta havein nus fatg ell’aula ensemen cun il team da RTR. Tinet ha declarau a nus tgei che nus fagein quell’jamna. Nus essan lura i en nos teams da Minisguard, radio, cant e da medias socialas nua che nus havein planisau la jamna. Suenter havein nus baghegiau si tut la tecnica. Ils emprems han gia giu da far radio live. Entgins han fatg intervestas pil radio ed entgins per Minisguard. La gruppa da musica era aunc vid far la canzun il mardis. La mesjamna havein nus lu fatg il video tier la canzun. Quels da Minisguard ein aunc stai a far film tier las pendicularas ed egl intersport. La gievgia havein nus preparau per la premiera ed essan aunc stai live el radio ina davosa ga. La sera havein nus aunc astgau mussar ils videos tier la premiera. Quei ei stau mega cool.
Ulteriuras impressiuns e tut ils highlights da quest’jamna pudeis vus mirar cheu:
