Avon in temps ei il castur secasaus en nossa val – in motiv da prender quei animal sco tema en scoletta per emprender ad encomuscher pli datier quei zu interessant animal. Igl intress vid quei animal ha beinspert tschaffau ils affons. Cun baghegiar taunas, observar siu veser ora, zambergiar e malegiar ei il castur daventaus il cuntegn dil mintgadi en scoletta.
Era in’excursiun el spazi da viver dil castur ei stau in’aventura tut aparti. Ina damaun ha nies guardiaselvaschina Martin Cavegn priu peda e menau nus tochen tier il casti dil castur (Biberburg). Dad ir atras caglias, sur crappa e roma essan nus sesenti sco en la dschungla.
Il castur havein nus buca viu, denton ina massa fastitgs da sia gronda lavur che lai anavos regurdientschas impressiunontas.
