viadi d’atun dalla scoletta

Nies viadi d’uonn ha menau nus sil Tgom. Grazia che dus babs dils affons lavuran tier l’AXPO havein nus giu il privilegi d’astgar ir cun la cabina tochen sisum. Quei ei naturalmein stau per tuts in aparti eveniment.
Sin viadi engiu atras igl uaul han ils affons giu da mira, encurir ed engartar massa caussas, magliar izuns e naturalmein paterlar da quei e da tschei.
Nossa finamira era dad esser da miezdi silla plazza da giugs da Rueras per far fiug e guder leu il gentar. Il temps silla plazza da giugs han tut ils affons gudiu tochen che la Renate ei vegnida per nus cul bus da scola.