Gliendisdis – Text da Joey, Maddox, Fadri
Allas 09:15 essan nus sentupai alla staziun dil tren a Sedrun. Il viadi cun tren ha cuzzau entuorn 4h. Arrivai a Scuol essan nus i tier nies albiert ‚Chasa Alpina‘. Leu ei immediat schabegiau in accident, la billaballa ei rutta giu. Allas 14:00 essan nus i a far bogn el bogn Engiadina. Quei era fetg legher denton stuevan nus star eri e quei era buca diltut sempel per nus. Suenter il far bogn havein nus schigiau las treis differentas auas da Scuol. Anavos tier la Chasa Alpina havein nus dau differents giugs e magliau.
Mardis – Text da Valentina, Mara, Hienok
La damaun havein nus magliau solver ensemen e silsuenter sefatgs sin via tier la halla da bouldrar. Leu havein nus fatg duas gruppas: ina che ha fatg il bouldern e l’autra che ha pinau la catscha da legns. Suenter duas uras havein nus midau gruppas. Il suentermiezdi havein nus lu giugau la catscha da legns da l’autra gruppa. Igl ei bunamein buca da crer che omisduas gruppas han giu a fin il medem temps. La sera essan nus aunc i a magliar pizza, quei era fetg bien. Suenter essan nus i a casa ed havein aunc dau da sezuppar. Allas 21:30 essan nus i a durmir.
Mesjamna – Text da Charlie, Maria, Renata
Mesjamna endamaun essan nus levai. Allas 07:50 havein nus giu da preparar il solver. Suenter il solver havein nus pachetau las valischas ed havein schubergiau la casa. Allas 09:30 havein nus astgau spassegiar entuorn Scuol en gruppas entochen las 11:10. Allas 11:41 ei nies tren partius. El tren havein nus dau giugs, fatg termagls e magliau gentar. Allas 15:30 essan nus arrivai a Sedrun
