Igl ei bunamein vegniu tier ina tradiziun che nossa scola survegn finiastras decoradas el temps d’Advent. Duront in avonmiezdi han ils scolars luvrau en gruppas mischedadas cun pupi alv e pupi da pergament da colur. L’idea era da crear in grond vitg ni marcau cun casas differentas ella grondezia ed el model. Mintgin ha luvrau tenor sias habilitads e creativitad. Pli ditg ch’il miez di cuzzava e pli creativs ch’ils baghetgs daventavan. Igl ei stau in bi mirar co ils affons han luvrau communablamein e gidau in l’auter.
Avon gentar essan nus serimnai sil plaz da pausa per admirar l’ovra ch’ei vegnida creada cun bia carezia da massa mauns e manuts.
Prendei in mumenet peda duront ina spassegiada per contemplar las casas pli datier e lu vesis forsa aunc in ni l’auter pign detagl.
Da cor giavischein nus dalla scola Sedrun a tuts in bi temps d’Advent e dis da fiasta empleni cun bia glisch.