Nies viadi dad uonn ha menau nus sil Cuolm da Vi. Per etgnins affons ei quei stau ina premiera d’astgar ir cun la pendiculara. Naturalmein ch’ei ha dau si leu ina massa scazzis dalla natira ch’eran d’engartar e perscrutar. Sper il laghet dil Parlet havein nus grillau e gentau, fatg termagls silla crappa e gudiu in bogn da peis ell’aua.
Cun returnar a casa han ils affons saviu cuchegiar el sacados d’in cavacrappa e giu il cletg d’astgar encurir ora duas cristallas pintgas per mintgin. Quei ha fatg tarlischar ils egls dils affons sco las cristallas ch’els tenevan enta maun. Il di sil Cuolm da Vi ei en mintga cass gartegiaus e rerturnei ein tuts cun in saccados emplenius cun bialas aventuras, entgins cun dabia crappa custeivla e la finfinala perfin cun cristallas.
