Nus essan ir cun tren tochen sil Pass Alpsu. Leu havein nus casualmein entupau ils scolars dalla primara da Rabius. Lu essan nus ir cun la sutgera tochen enamiez. Naven da leu essan nus viagiai tochen tiel Lag da Luter. Leu havein nus fatg ina pausa e nus havein viu fetg biars pèschs. Nus havein anflau pèschs che eran gia morts ed havein setrau quels cun flurs.
Sil viadi vinavon havein nus viu ina muntaniala. Ella era brina, alva e nera, tut cun gronds puncts. Nus havein gentau leu quei che mintgin haveva priu cun el sacados.
Suenter gentar essan nus ir vinavon tochen tiel Gütsch. Ils biars ein seruclai dalla plaunca giudo tochen tiel Matti a Nätschen. Leu havein nus survegniu schenghegiau dabeiber e zatgei dultsch dalla Anne. Engraziel! Sin la plazza da giug havein nus aunc fatg termagls. Nus essan returnai cul tren a Sedrun. Quei ei stau in fetg bi di .