Entschatta zercladur havein nus organisau il di da sport per scoletta tochen 6. classa. Uonn havein nus fatg il di da sport silla plazza da sport Dulezi. Nos 70 scolars havein nus partiu si en otg gruppas. In scolar dalla 6. classa ei staus schef e ha giu da mirar che sia gruppa seigi il dretg temps sil dretg post. En tut havein nus pinau tier nov posts naven da siglir cun sac, tier giugs da cletg, giugs d`inschign, ina stafetta cun aua ed ina coreo d`in sault. Da miezdi han tuts gentau ensemen avon halla. La pausa da miezdi han ils biars lu era gudiu per giugar e termagliar cun auters affons che schiglioc. Suentermiezdi han ils proxims posts giu liug. Alla fin havein nus lu aunc fatg ina stafetta nua che tuttas 8 gruppas ein semesiradas ina encunter l`autra. Suenter han tut las gruppas presentau il sault ch`els vevan empriu duront 20 minutas sin in post. Il davos ha ei dau ina rangaziun, igl ei stau plein tensiun tochen il davos tgi che gudogni. Per nus scolastas eis ei stau bi da mirar co ils gronds han giu quitau dils pigns. Las gruppas ein propi setenidas ensemen ed han luvrau bein el team. Nus havein giu grond cletg cun l`aura, aschia che quei di ei gartegiaus cumpleinamein.
11. Juni 2024
